عامل نفسه صايم
عامل نفسه صايم
وبياكل فى لحم الناس
ما ليهوش على حد جمايل
وعديم فى الاحساس
فى الرجوله ما ليهوش توب
ولا فى ليه مقاس
عامل زى الشيطان
وسواس وخناس
اللى زيه ده لازم
تحت الرجلين ينداس
عامل نفسه صايم
عامل نفسه صايم
والناس فى حالها ما سايب
وكل الناس فى مجلسه
سيرتها بالعيب جايب
اكله عمره ما طاب
ولا هيكون فى يوم طايب
الكل ليه أعداء
ما ليهوش من الناس حبايب
خسران من كان مكروه
صغير كان أو شايب
عامل نفسه صايم
فلانه كانت معايا
ليها قصص وحكايات
وفلانه جوزها اهانها
لما ابوها مات
وفلان يعرف فلانه
مع بعض ما شيين فى سكات
ويألف وهو قاعد
قصص اولاد وبنات
عامل نفسه صايم
فاطر وحياة عيونك
وما ليك فى الخير نايب
لو حتى فديت نفسك
بفلوس تملأ زكايب
مسكين
من كان زيك
فى الدنيا والاخره خايب
اللهم ما تقبل صيامنا وصلاتنا وقيامنا وزكاتنا أمين أمين يارب العالمين
اخوكم/, صبرى عبد الواحد الحساني
معلم بمدرسة الإصلاح الزراعي بنجع حمادى
